Православная Гагаузия

православное интернет-издание в Гагаузии

Прот. Феодор Каракальчев. О крещенской воде

194 просмотров

Böönkü yortunun derinniini bizim fikirmizlän hem da lavlarımızlan yok nicä dübüdüz açıklaylım bitkiyadak. Bizä sade kalyer kabledelim bu yortuyu, kullanalım onu, angısını Allah bizä verdi kurtuluşumuza deyni. Ayazmayı var nicä kullanma herbir vakıt, diil sade birkerä yada birkaç kerä, ama herbir vakıt. Nicä burada dua ettik: olsun herbir islä işa deyni — astalıklara deyni ilaç olsun, azalsın günahlar deyni, zeedelensin iiliklär deyni.

Allah böön Kendi usluluunnan herbir büük işleri, paalı işleri, açık işleri veryer bizä, Kendisi sa gölgedä kalyeer da gösteryer bizä, ani herbir iştä da biz da lääzım olalım uslu. Bizim da işlerimiz lääzım göstersin, ani diil bän, ama bizim işlerimiz lääzım bizdän ileri gitsinnär da göstersinnär, kim varız biz hem da bunnardan aşırı meetinnensin Allah…

Ayazma, nicä söledik, dünkü da böönkü da var hep o bir ayazma. Yok onnarın arasında büük küçük. Dünkü hem böönkü gündä var nicä hepsicii içsin o ayazmadan diil sade aaç karna, ama var nicä te onnara da, kim bekim idi dä, yada içti. Bu ayazmadan var nicä hepsici birazçık içsin. Ama sabaadan ötää dooru ayazmayı lääzım sade aaç karna almaa, dün hem böön hepsi var nicä birazçık alsın bu ayazmadan, kalannı da serpmää var nicä evlerä, pınarlara…

Sade, ani almaa onu lääzım korkuylan(со страхом Божиим, с благоговением). Eer insan gelyarsa doldurmaa hererdä kapları deyni, olsun çok ayazma deyni – o insan almȇr ayazma, o alyer su hem bekim da taa çok günah kendi üstünä. Herkerä lääzım bilmää neya biz yaklaşyerız, nicä lääzım onu kullanmaa, nicä götürmää kendimizi. Genä söleriz hem ta bir kerä söleyecäm, ani en islä ayazma fıçının dibindä, kim bitki alyer te ona da düşer.

Prot. Feodor Karakalçev