Böönkü gündä biz anȇrız bir proraa, angısı var şaşmak. Prorok, angısına var nicä şaşmaa, bakmaa onun yaşamasına. Neçin şaşmaa var nicä?
Neçin deyni onda vardı en paalı iş, angısı lääzım olsun bizdä hepsimizdä. Ona denyer “Ревность по Бозе”- okadar çok sevmää Allahı, okadar çok izmet etmää Allaha.
Onun çok canı acıyer insannara, kim ozaman gitmäzdi dooru yoldan. Güceniklendän isteer Allahtan, ani göklär kitlensin, da üç buçuk yıl yaamȇȇr yaamur…. Üç buçuk yıl. Allahın canı acıyer, Allaa isteer vermää yaamur, ama istämeer utandırmaa Kendi izmetkerini, Prorok İliyeyi. Da vermeer, onun duasına görä, vermeer yaamur da. Açan kendisi Prorok İliya gider, varmış orda bir sızıntı, derecik Kedron, gider orayı. O yaban eriymiş, orda bişey büümäzmiş, bir sade akȇr çöşmecik gibi, da orada o bulunyer. Neya şaşmaa var nicä, ani orda, Allahın sımarlamasına görä, onu doyurȇr gargalar. Gargalar iki kerä gündä getirerlär ona imää. Bölä Allaa sımarlȇȇr, ani Onun izmetkerinä izmetetsinnär kuşlar, kuşlar getirsinnär ona imää.
Nicä söleer bizä Predaniya da, Prorok İliya Hristoz geleciykana erä ikincilää, gelecek erä, zeet çekecek Allahın adı için, kabledecek ölüm. Sora nicä hepsicii insan, nicä var Allahtan, o da kabledecek ölä ölüm. Onun için da biz söleeriz, ani bir Predteçe o var İoan Vartizedici, kim geldi Hristozun önündä. İkinci da Predteçe ikinci gelmesinä Hristozun erä, olacek Onun önündä Prorok İliya. O lääzım gelsin erä.
Ne bizä deyni var örnek Prorok İliya? “Ревность по Бозе”. Okadar sevmää Allahı, okadar istemää izmetetmää Allaha, ani canı acımazdı kendinä. Okadar büük umut vardı Allaha. Bölä umut olsun Allaha, ona var nicä şaşmaa. Ölä da lääzım. Avşam duasında biz okuyerız, ani “Все упование мое на Тя возлагаю, Мати Божия, сохрани мя под кровом Твоим”. Te o umut bizdä böön yok. Bütün umudumu bän Sana vererim, Allahım yada Panayiya. Prorok İliyada halizdän vardı, ani bütün umudunu verer Allaha. Da Allaa düşündü onun için, ani onu korumaa deyni da, düşündü onu doyurmaa için da, yaban erdä kahırlanmamaa. Biz böön düşünyeriz, ne iyeçiz avşama, ne iyeciz sabaa-sabaalän, ne imää yapacez, te bu olmasaydı. O bütün umudunu verer da göreriz, ani Allaa yollȇȇr ona kuşları.
Allahın kuvedi büük. Yoktu nesa şüpä. Allaa yollȇȇr kuşları, ani kuşlar doyursunnar, getirsinnär ona imää. Lääzım olsun okadar büük umut Allaha, okadar sevmää Allahı. Biz da lääzım alalım örnek, okadar sevmää Allahı, okadar istemää izmetetmää.
Ne kalyer bizä?
Bizä kalyer bakmaa, okuyarak, göreräk yaşamasını ayozların. Nicä apostol Pavel söleer: “Savaşın benzemää bana, nicä bän savaşyerım benzemää Hristoza”. Açan biz işidyeriz ayozların yaşamasını, biz lääzım savaşalım benzemää onnara, nicä onnar savasyardılar benzemää Allaha. Başka taa nesa bizdä zeedä diil lääzım. Lääzım savaşmaa benzemää, savaşmaa almaa örnek te o ayozlardan, angısınnar götürdülär bölä yaşamasını, bizä deyni oldular örnek. Amin.
