Проповедь на свт. Николая Чудотворца. Прот. Феодор Каракальчев

303 просмотров

Sevgili kardaşlar hem kızkardaşlar! Hristos söleer Ayoz Yazıda, ani pek güç, pek zor zenginä girmää Gökteki Padişahlaa.

Zor neçin?

Neçin deyni diil kendi zenginnik, ama te o kösteklär, nelär olyer zengindä, brakmȇrlar girmää Gökteki Padişahlaa. Yok nicä demää, ani yok nicä zengin girsin Gökteki Padişahlaa, zengin da var nicä girsin.

Bu laflar tamannanyer böönkü gündä, böönkü ayozda, angısını biz anȇrız ayoz Nikul. Kendisi varkana zengin, vaarlıı vardı onun büük, ama ona deyni o varlık köstek olmadı girmää Gökteki Paşahlaa. Neçin deyni dooru kullandıynan, açan biz baalanmȇrız te o zenginnää, ozaman bizä deyni diil güç girmää Gökteki Paşahlaa.

Bilyeriz, ani ayoz Nikul vardı zengin, ama zenginniinnen yaptı pek çok yardım başkasına.

Pek siirek kimdä zenginnik olmȇr zarara. Neçin deyni insan, angısı zenginniinnen var nicä alsın kendinä Gökteki Padişahlıı, o taa ileri alyer kendinä cendemi. Neçin deyni baalandıynan vaarlaa, insanın fikiri bulanyer, o görmeer bişey, göryer sade kendi zenginniini. O bakȇr taa zeedä kazanmaa, ama fukaarä insanı görmer.

Ayoz Nikul vardı dübüdüz başka türlü bir adam, angısı taa çok savaşyardı kurtulmaa kendi zenginniindän. O zenginniinnen alyardı satın Gökteki Padişahlıı. Ayoz Nikula vardı taa paalı inan zenginnii, dooruluk zenginnii hem da onda vardı hatırlık zenginnii.

Dooruluk, inan, neçin deyni göryeriz, ani alizdända onun inanı okadar kaaviydi, okadar çetindi, ani belli oldu hererdä. Onun yaşaması gösterdi: nicä senin adın, ona görä da senin yaşaman.

Neylän o ensedi?

O gösterdi, ani zenginniklän var nicä yapmaa büük fayda. Allah böön bizä ne veryer, dooru kullandıynan, var nicä kazanmaa Gökteki Padişahşlıı… Da böölä onda vardı inan kaavi.

Dooruluk için o herkerä cenk edärdi, neçin deyni nerada vardı diil dooru, nerada Allahın adını kötülerlär, nerada Allahın adını dooru kullanmȇrlar, orada o herherä cenk edärdi, ani Allahın adı lääzım olsun dooru…

Prot. Feodor Karakalçev