Böönkü yortuda bizim Ayoz Klisä çalȇr ölä: “Днесь спасения нашего главизна, и еже от века таинство явления”. Bu yortuyu bizim Ayoz Klisä koyer baş yortuyu.
Baş yortuyu, neçin deyni bundan haber gelyer insanın kurtuluşuna. Sora da ötä dooru laflar: “Еже от века таинство явления” — Allah, taa kurulmadan dünneya, ondan ileri vardı annaşması Ayoz Üçlüynän, Allahın vardı annaşması, nicä kurulacek te bu insanın kurtuluşu. O vardı çok uzak, baktıynan vakıda görä, dünnenin kurulmasından ileri, taa görünmäz dünnenin kurulmasından ileri, angellerin kurulmasından ileri bunnar hepsicii oldu. Oldu, neçin deyni Allah bilyer, Allah karışmȇr, ama Allaa bilyer, ani yapılacek insan, ani insan yanılacek, yapacek bu günahı. Da Ona sıra gelecek gelmää erä, Allaha, Allahın Ooluna — İisus Hristoza, sıra gelecek gelmää erä, kabletmää güüdä da çekmää te bunnarı hepsini.
Ne için gelmää?
Toplamaa deyni insannarı, birleştirmää insannarı, ani insan lääzım birleşsin Allahnan. “Сын Божий, Сын Девы бывает, и Гавриил благодать благовествует” – “Allahın Oolu olyer Kızın Oolu, da Arhangel Gavriil getirer haber Panayiya, Ayoz Kıza, getirer bu haberi, ani Ondan duacek bir Ool, Angısının lääzım koysun adını İisus. Ona Gökteki Boba verecek Baş Kurban Sofrasını (Престол), Davidin Sofrasını.
Ne o var Davidin Sofrası? Baş Kurban Sofrası o var Padişahlık. O padişahlık edecek erdä da, göktä da. Hristos, Allahımız bizim, tamanayecek hepsiciini, ne lääzım olsun erdä. Da O Ool, Kendi işlerinnän, Kendi izmetinnän olacek ölä, ani Onun padişahlıı, angısının, biz herkerä işidyeriz İnan simvolunda, ani Onun padişahlıın bitkisi olmayacek. Hristoz bunu söleer, bunu haberleer. Amin.
