Православная Гагаузия

православное интернет-издание в Гагаузии

Calendar

Сентябрь 2020
Пн Вт Ср Чт Пт Сб Вс
 123456
78910111213
14151617181920
21222324252627
282930  

Проповедь о насыщении пятью хлебами. Прот. Феодор Каракальчев

104 просмотров

Bobanın, Oolun hem Ayoz Duhun adına!

Sevgili kardaşlar hem kızkardaşlar, böönkü Evangelie getiryer aklımıza, neya biz hepsindän çok düşünyeriz: imäklerä, içmäklerä, giinmäklerä – onnara hepsindän çok biz çalışyerız , onnara bütün yaşamamızda izmetederiz. Hep kahırlanyerız, ani nesa olsun bizdä imäk: buz-dolabı olsun dolu, maazada, tavanda, ani hererdä olsun imeemiz, kalmayalım aaç.

Da Hristos olä gösteryer, ani var nicä doyursun beş bin kişiyi saymadaan karıları hem da uşakları, var nicä saymaa, ani orada var onbeş bin kişi. Açan sıra gelyer toplamaa kırıntıları, toplȇȇrlar 12 sepet ekmek, hepsi doyunduktan sora.

Allah herkerä söleer, “Aarayın taa ileri Gökteki Padişaahlı, bunnar sizä verilecek”. Bunnar, ani var okadar küçük (ufak), ani Allah onnarı hiç koymȇr uura, ani onnar için biz lääzım çalışalım, o söleer: “Aarayın taa ileri Gökteki Padişaahlı”, ama ne imää hem da ne giimää — „onnar sizä verilecek». Hristos örnek söleer gökteki kuşları, onnar bişey izmet etmeerlär, çalışmȇrlar, ama onnarın var imekleri. Çiçeklär hiç işlämerlär, kıvratmȇrlar iplik ta, örmerlär da, dokumȇrlar bişey, Solomon kendi bütün zenginniindä okadar gözäl giinmärdi, nekadar Allah giidiryer çiçekleri. Da bizdä, aaz inanlara, yufka inanlara, lääzım sade olsun inanımız Allaha.

Allah bir kerä da yapmȇr nışanı nışan için (Чудо ради чуда)! Ani te yaptı, da desin, ani kimsey bunu yapamȇr, sade O yapȇr onnarı! Diil ölä! Allah herbir işi yapȇr derin fikirlän, herbir işi lääzımnı erdä. Bırada Allah doyuryer, göstereräk, ani var taa paalı imäk, nekadar bu erdeki imeklär. Beş ekmek bizä gösteryer komkayı, ani komkasız insan yok nicä olsun. Te o var haliz imäk hem te o şarap, nedän bizdä olyer komka – o var aliz da içmäk.

Var er, nerada insannar zor çekerlär aaçlıktan, biz var nicä soralım – neçin orada bölä, neçin Allah onnarı da doyurmȇr, nicä doyurduydu iki bin yıl geeri okadar insanı beş ekmeklän? Okadar mı Allaha o zor?

Allaha diil zor!

Açan yaklaşyer üürenicilär da sorȇrlar Hristoza salversin insannarı da gitsinnär küüyä, da alsınnar kendinä imää, Hristos deer onnara: „Siz verin onnara imää».

Siz lääzım onnara veräsiniz!

Böön Allah her kerä bizi çaaryer verelim imää te onnara, kim zorluk çeker, yokluk kimdä, kimä etişmeer, biz onnarı lääzım görelim da doyuralım, verelim te onnara, kimin var zoru, kimä böön etmer, biz göreräk bunu, olalım yardımcı onnara!

Prot. Feodor Karakalçev